DUGNAD I STRYN MOTORSPORTKLUBB – 18.04.26 kl. 10.00
Vi inviterer alle medlemmar til dugnad laurdag 18. april 2026 frå kl. 10.00.
Arbeidsoppgåvene blir:
•Flising og rydding
•Saging av tre
•Reparasjon av gjerde
•Maling av speakerbua
Fint om dei som kan, tek med:
•Motorsag
•Ryddesag
•Sirkelsag
•Skrumaskin
Vi håpar mange har høve til å kome og hjelpe til – saman får vi gjort mykje på kort tid!
Vi i styret inviterer til medlemsmøte 25.03.26 kl. 18.00
Stad: Møterom Vinsrygg VVS, Skarsmyrvegen 70
Styret vil informere om kva vi har jobba med sidan årsmøtet, presentere tankar og idear rundt vaktliste for dei som ønskjer å vere med som sikkerheitsleiar, og hjelpe nye medlemmar med medlemskap og kjørelisens.
Vi ønskjer også innspel og tilbakemeldingar frå dykk om korleis vi saman kan utvikle og drifte eit godt anlegg for alle.
Vi håpar flest mogleg har anledning til å kome
Med helsing
Styret i Stryn Motorsportklubb
Dette jobbar klubben med
Det nærmar seg at bana er fri for både snø og overflatevatn, og vi ser fram mot ein ny og aktiv sesong. Gjennom starten på det nye året har styret jobba med fleire viktige område:
Utleigesyklar
Vi går gjennom alle utleigesyklane og gir dei full service. Frå og med i år kan vi tilby syklar i storleikar frå dei minste barneklassene og opp til ungdom – 50 ccm til 150 ccm.
Brakker og planlegging av klubbhus
Dei gamle brakkene er under sanering. Samtidig jobbar styret aktivt med finansiering av eit nytt klubbhus med rom for bad, opphald, omkleding, speaker, tidtaking og kjøkkenkrok.
Kurs og aktivitetsleiarar
Vi jobbar med å få til kurs for å utdanne fleire aktivitetsleiarar, slik at klubben kan gi eit betre og meir stabilt tilbod til medlemmane.
Medlemsmøte – 25.03.2026
På medlemsmøtet ønskjer styret innspel frå medlemmane om korleis klubben kan utvikle seg vidare og bli endå betre. Vi håpar mange møter opp.
Vårdugnad – 18.04.2026
På dugnaden blir det skoging langs bana og vedlikehald på gjerdet. Dette er viktig arbeid for å sikre ein trygg og ryddig bane før sesongstart.
Sesongopning / Kickoff – 26.04.2026
Vi planlegg eit felles oppstartarrangement for alle medlemmar. Meir informasjon kjem når datoen nærmar seg.